БМТ Туркия учун 1 миллиард тўпламоқчи
Бу 5 миллион одамга 3 ой ёрдам кўрсатишга етади.
БМТ Бош котиби Антониу Гутерриш дунё давлатларини Туркия учун 1 миллиард доллар тўплашга чақирди. Унинг сўзларига кўра, бу маблағ уч ой давомида 5.2 миллион одамга ёрдам кўрсатишга етади.
"Эҳтиёжлар катта, одамлар азобланмоқда, вақт йўқотмаслик керак. Мен халқаро ҳамжамиятни фаоллашишга ва давримизнинг энг йирик табиий офатларидан бирининг оқибатларини бартараф этиш учун зарур ҳаракатларга чақираман", — дейилади БМТ сайтида эълон қилинган Бош котиб баёнотида.
Унинг сўрови ташкилотнинг гуманитар масалаларни мувофиқлаштириш бошқармаси раҳбари Мартин Гриффитс томонидан қўллаб-қувватланган.
6 февралда Туркияда юз берган зилзила оқибатида 35 мингдан ортиқ инсон ҳалок бўлди. 47 минг бино вайрон бўлган.
