БМТ Инсон ҳуқуқлари бўйича олий комиссари Ўзбекистонга келмоқда
У ташриф давомида Қорақалпоғистонга ҳам боради.
13-15 март кунлари Бирлашган Миллатлар Ташкилотининг Инсон ҳуқуқлари бўйича олий комиссари Фолькер Тюрк бошчилигидаги делегация Ўзбекистонга келмоқда. Бу ҳақда “ЎзА” хабар берди.
Фолькер ташриф давомида Инсон ҳуқуқлари бўйича Ўзбекистон Республикаси Миллий маркази, Олий суд, Бош прокуратура, Ички ишлар ва Адлия вазирликлари раҳбарияти, Ўзбекистон Республикаси Олий Мажлисининг Инсон ҳуқуқлари буйича вакили (Омбудсман) билан учрашув ўтказиш режалаштирмоқда.
Шунингдек, БМТ вакили Қорақалпоғистон Республикасига ҳам боради.
