“Қанча керак бўлса, шунча ёрдам берамиз”
Канада Украинани қўллаб-қувватлашга тайёрлигини билдирди.
Канада мудофаа вазири Анита Ананд Украинага навбатдаги ҳарбий ёрдам партияси юборилганини маълум қилди.
“Канаданинг навбатдаги ҳарбий ёрдами Украинага йўл олди. Биз Украинани қанча вақт керак бўлса, қўллаб-қувватлаймиз”, — деб ёзади Ананд.
Шунингдек, у Украинанинг An-124 юк самолётига зирҳли қутқарув машиналари юклангани акс этган видеони ҳам жойлаштирди.
Эслатиб ўтамиз, аввалроқ Канада Украинага Leopard-2 партиясини жўнатгани хабар қилинганди. Бунгача Анита Ананд Украинага янги ҳарбий ёрдам пакети тақдим этилишини эълон қилган.
