Сурхондарёда МФЙ раиси фуқарони уриб, кўз пардасини ёриб ташлади
Ҳолат юзасидан вилоят ИИБ маълумот берди.
Ижтимоий тармоқларда Сурхондарё вилоятининг Шўрчи туманида маҳалла раиси фуқаронинг кўзини уриб, кўз пардасини ёриб ташлагани ҳақида хабар тарқалди. Ҳолат юзасидан вилоят ИИБ ахборот хизмати муносабат билдирди.
Қайд этилишича, 28 март куни 18:00 ларда Шўрчи тумани «Бахштепа» маҳалласи раиси ва фуқаро ўртасида ўзаро келишмовчилик оқибатида жанжал келиб чиққан. Жанжал вақтида маҳалла раиси фуқаронинг кўз қисмига уриб тан жароҳати етказган.
Ушбу ҳолат юзасидан Шўрчи туман ИИБ томонидан фуқаронинг олган тан жароҳатининг оғирлик даражасини аниқлаш мақсадида судга оид тиббиёт экспертизаси тайинланган. Ҳозирда туман ИИБ томонидан терговга қадар текширув ҳаракатлари олиб борилмоқда.
