Сурхондарёдаги метан “заправка”да Damas ёниб кетди
Ҳолат бўйича ФВБ маълумот берди.
Сурхондарё вилоятининг Олтинсой туманида 1 апрел куни Damas русумли автомашина ёниб кетди. Ҳолат юзасидан вилоят Фавқулодда вазиятлар бошқармаси маълумот берди.
Ҳолат соат 20:27 да Олтинсой тумани “Қоратепа” МФЙдаги “Қоратепа метан газ” МЧЖга қарашли АГТКШ ҳудудида юз берган. Шохобчага келган Damas автомобили газ тўлдириш вақтида газ тўлдириш шлангини узмасдан ўт олдириб ҳаракатлантирган ва ёнғин содир бўлган. Ёнғиндан автомобилнинг орқа ва салон қисми зарарланган.
ФВБ ходимлари воқеа жойига соат 20:32 да етиб борган ва ёнғин 20:41 да тўлиқ ўчирилган. Ҳодиса оқибатида тан жароҳати олганлар йўқ.
