0
Туркманистон Президентининг Тожикистонга сафари номаълум муддатга қолдирилди
Бунга бувисининг вафоти сабаб бўлган.
Туркманистон Президенти Сардор Бердимуҳаммедовнинг Тожикистонга сафари бувисининг вафоти туфайли номаълум муддатга қолдирилди. Бу ҳақда Туркманистонт Республикаси президенти матбуот хизмати хабар қилмоқда.
Шунингдек, 8 апрелга режалаштирилган Тожикистон ва Туркиманистон ишбилармонлари кенгаши ва 9 апрель куни ўтказилиши керак бўлган икки давлат тадбиркорлари бизнес-форуми ҳам қолдирилган.
Президентнинг ўзи 10-11 апрель кунлари расмий ташриф билан Тожикистонга бориши керак эди.
Эслатиб ўтамиз, аввалроқ Тожикистон президенти Эмомали Раҳмон туркман халқи миллий етакчиси, Туркманистон Халқ маслаҳати раиси Гурбангули Бердимуҳаммедовга телеграмма юбориб, ҳамдардлик билдирган.
