Малайзиялик ота-она 5 ёшли қизига Mercedes совға қилди
Бу мактабга боришни истамаган бола учун мотивация бўлган.
Ижтимоий тармоқларга қизнинг онаси ундан туғилган кунида нима истаётганини сўрагани акс этган видео жойлаштирилди. Қизнинг айтишича, у яшил рангдаги Mercedes G-class ёки BMWни хоҳлайди. Она агар у мактабга боришга рози бўлса, бу хоҳишини бажаришга ваъда берган.
Кейинроқ ота-она кўзи боғланган қизини машина олдига етаклаб кетаётгани тасвирланган яна бир видео пайдо бўлди. Аёл қизини биринчи синфга боришга ундаш учун қиммат машина харид қилишга қарор қилганини тушунтирди.
Ижтимоий тармоқ фойдаланувчилари болага берилган совғага ноаниқ муносабатда бўлишди. Баъзилар қизчанинг ота-онасини олқишлаган, бошқалари эса у барибир совғадан фойдалана олмаслиги сабабли катталарни танқид қилишди.
