Сурхондарёлик тадбиркор 40 та эҳтиёжманд оилада уй совға қилди
Ушбу уйлар 5 қаватли бўлиб, 2 ва 3 хонали квартиралардан иборат.
Сурхондарё вилоятининг Шеробод туманида эҳтиёжманд хотин-қизлар, кам таъминланган ва ногиронлиги бор оилалар учун 40 та хонадонга мўлжалланган иккита беш қаватли уй фойдаланишга топширилди.
Туманнинг Тароқли маҳалласида қад ростлаган ушбу иккита кўп қаватли уйни маҳаллий тадбиркор ўз ҳисобидан бунёд этиб, муборак Рамазон ҳайити куни уй-жойга муҳтож 40 та оилага ҳадя қилган. Қурувчилар уй совға қилган тадбиркор номини очиқламасликни сўрашган.
Иккита кўп қаватли уйдаги хонадонлар икки ва уч хонали бўлиб, уларнинг ҳар бири юксак дид билан замонавий усулда жиҳозланган. Янги уйнинг эгалари шундоққина кириб яшашлари учун барча шароит яратилган.
Маълум қилинишича, тадбиркор ўтган йили ҳам тумандаги 27 та кам таъминланган уй-жойга муҳтож оилага коттеж уй қуриб берган.
