"Adidas" Россиядаги бизнесини сотиши мумкин
Компания 2022 йилда мамлакатдаги дўконларини вақтинча ёпганди.
"Adidas" компанияси Россия активларини хорижий инвесторга ўтказиш имкониятини кўриб чиқмоқда.
Таъкидланишича, компания шу тариқа мамлакатдаги юзга яқин энг даромадли дўконларни қайта ишга тушириши мумкин.
Спорт кийимлари ва аксессуарлар ишлаб чиқарувчиси "Adidas" 2022 йил март ойида Россиядаги фаолиятини тўхтатди ва чакана савдо дўконларини вақтинча ёпган эди. Октябрь ойида компания мамлакатдаги бизнесини бутунлай тўхтатишга қарор қилди.
Қайд этилишича, "Adidas"нинг Россия тузилмаси ҳамон фаолликни сақлаб қолишга ҳаракат қилмоқда.
Яна бир машҳур халқаро спорт пойабзали ва кийимлари бренди "Reebok" ҳам Россия бозоридаги фаолиятини тўхтатганди. Кейинчалик "Reebok" товарлари Россияда турк холдинги орқали яна сотилиши маълум бўлди.
