0
Кучли шамол сабаб Самарқанднинг айрим ҳудудларида «свет» ўчирилди
Бу ҳақда Энергетика вазирлиги маълум қилди.
Кучли шамол туфайли Самарқанд вилоятининг айрим ҳудудларида электр таъминотида узилишлар кузатилмоқда.
Энергетика вазирлиги хабарига кўра, Самарқанд вилоятида эсаётган кучли шамол натижасида соат 8:00 ҳолатига айрим электр узатиш тармоқлари хавфсизликни таъминлаш мақсадида ўчирилди.
Бунинг натижасида Самарқанд шаҳри, Жомбой, Ургут, Тойлоқ, Паст Дарғом ва Оқдарё туманларининг айрим ҳудудларида жами 3250 та истеъмолчининг электр таъминотида узилишлар кузатилмоқда.
Ҳудудда кучли шамол эсиши пасайгандан сўнг электр таъминоти қайта тикланиши айтилган.
