Самарқандда газ таъминоти бўлими ходими пора билан ушланди
Унга нисбатан 2 та модда бўйича иш очилган.
Самарқанд шаҳрида газ тармоғига ноқонуний уланиш ҳолати бўйича тузилган далолатномани йўқ қилиб беришни ваъда қилган фирибгар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум бўлишича, “Самарқандшаҳаргаз” газ таъминоти бўлими аҳоли хонадонларига техник хизмат кўрсатиш чилангари Ж.А. фуқаро Д.Н.нинг хонадонидаги иситиш қозони газ тармоғига ноқонуний уланганлиги ҳолати бўйича тузилган далолатномани йўқ қилиб бериш эвазига 4 млн сўмни олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 25, 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
