Сурхондарёда Lacetti дарёга тушиб кетди
Оқибатда ҳайдовчи вафот этган.
Ижтимоий тармоқларда Сурхондарёдаги сув омборига машина тушиб кетгани ҳақида хабар тарқалди. Ҳолат юзасидан вилоят ИИБ ЙҲХБ маълумот берди.
24 июнь куни соат 12:30 ларда 1994 йилда туғилган ҳайдовчи Lacetti русумли автомобили билан “Хисорак-Сариосиё” йўналишида ҳаракатланиб келиб, бошқарувни йўқотиб, ушбу ҳудуддан ўтувчи “Тўпаланг” дарёсига тушиб кетган.
Оқибатда автомашина ичида бўлган 2007 йилда туғилган йўловчи енгил тан жароҳати олиб туман касалхонасига ётқизилган. Ҳайдовчи cуд-тиббий экспертизасининг хулосасига кўра, ҳодиса содир бўлишидан олдин соғлиги ёмонлашгани ва юрак ишемик эҳтимоли юқори бўлганлиги сабабли вафот этган.
