Ўзбекистонда қовун нархи кескин арзонлади
Бироқ жорий нархлар ўтган йилги даражадан икки баравар юқорилигича қолмоқда
Ўзбекистонда ўтган ҳафтада полиз маҳсулотларининг ўртача улгуржи нархи 40 фоизга арзонлашди, бу эса ички бозорда ушбу маҳсулот таклифининг мавсумий равишда кескин ошгани билан изоҳланади, дейди EastFruit таҳлилчилари.
Жорий мавсумда Тошкент шаҳридаги улгуржи бозорларда янги ҳосилнинг биринчи йирик партиялари ўртача улгуржи нархи 6 000 сўм бўлган май ойи охири – июнь бошида пайдо бўлди. Бир ҳафтадан сўнг 5 000 сўмгача тушиб кетган ўртача улгуржи нарх деярли бутун июнь давомида шу даражада сақланиб қолди.
EastFruit нархлари мониторинги маълумотларига кўра, 2023 йилнинг 30 июндан 7 июлига қадар полиз маҳсулотларининг ўртача улгуржи нархи 5 000 сўмдан 3 000 сўмгача пасайган, бу жорий мавсумда ушбу маҳсулот нархининг ҳафталик кескин ўзгариши ҳисобланади.
Бозор иштирокчиларининг фикрича, бу ички бозорда полиз маҳсулотлари таклифининг мавсумий равишда кескин ошиши билан боғлиқ. Шу билан бирга, жорий улгуржи нархлар ўтган йилги даражадан роппа-роса икки баравар, 2021 йилнинг шу санасига нисбатан эса 1,8 баравар юқори.
