Болани итлар ҳужумидан сақлаб қолган йигит мукофотланди
Такси ҳайдовчиси ёш болани итлар ҳамласидан қутқариб қолганди
Самарқанд шаҳрида 8 июль куни такси ҳайдовчиси ёш болани итлар ҳамласидан қутқариб қолди.
Самарқанд вилояти ИИБ хабарига кўра, шаҳар ҳокими Фазлиддин Умаров ҳамда шаҳар ички ишлар органлари фаолиятини мувофиқлаштириш бошқармаси бошлиғи Исматжон Ибрагимов боланинг ҳаётини сақлаб қолган такси ҳайдовчиси, 23 ёшли Фирдавс Аҳмедов ва унинг ота-онасига миннатдорчилик билдирди.
Шунингдек, Фирдавс Аҳмедовга эсдалик совғалари ҳам топширилган.
Маълумот учун, ҳозирда болага ташланган итлар ушланиб, карантинга олинган. Боланинг аҳволи яхши. Таъкидланишича, итларнинг эгаси аниқланган тақдирда унга нисбатан қонуний тартибда чора кўрилади.
