Украина йўқотишлар туфайли қарши ҳужум тактикасини ўзгартирди
Ҳарбий экспертларнинг таъкидлашича, дастлабки 25 км Украина армиясининг қарши ҳужуми учун энг қийин бўлади.
Украина қарши ҳужумининг дастлабки икки ҳафтасида Украина Қуролли Кучларида фронтда мавжуд бўлган техниканинг 20 фоизи, шу жумладан Ғарб техникаси шикастланган ёки йўқ қилинган. Бу ҳақда The New York Times манбаларига таяниб хабар бермоқда.
Газетанинг ёзишича, шундан сўнг Украина армияси тактикани ўзгартириб, Россия Қуролли кучларига ўқ отиш, жумладан, узоқ масофага учувчи ракеталар билан зарбалар беришни оширган.
Янги тактика Украина Қуролли кучларига кейинги ҳафталарда ҳарбий техникадаги йўқотишларни 10 фоизгача камайтириш имконини берди, деб ёзади газета. Бироқ, олдинга силжиш секинлашди. Жанубий йўналишда Украина Қуролли кучлари Россия кучларини икки қисмга бўлиш учун денгизга чиқиш учун зарур бўлган 90 километрдан ортиқ масофадан атиги 8 км масофани босиб ўтди, деб ёзади NYT.
Шунингдек, NYT мухбирлари билан суҳбатлашган ҳарбий экспертларнинг таъкидлашича, дастлабки 25 км Украина армиясининг қарши ҳужуми учун энг қийин бўлади.
