Самарқандда 2,2 килограммлик картошка етиштирилди
Далаларда етиштирилган картошка ҳосили 50-52 тоннани ташкил қилган
Самарқанд илмий тажриба станциясида вазни 2,2 килограмм бўлган картошка етиштирилди, дея хабар бермоқда УзА.
Қайд этилишича, 2023 йилда илмий тажриба станциясида 8 гектар майдонда картошка етиштирилган бўлса, гектарига ўртача ҳосилдорлик 35-40 тоннани, юқори ҳосилдорлик эса 50-52 тоннани ташкил қилмоқда.
Далаларда етиштирилган туганак картошка вазни 2-2,2 килограммгача келмоқда. Шунингдек, 2023 йил ҳосили учун 11 гектар майдонда картошканинг «Боғизоғон», «Раноми», «Эволюшин», «Аризона», «Силвана» ва «Лусинда» навлари етиштирилган.
