Қаршида кўча чироқларини ўрнатиш баҳонасида 1,3 млрд сўм талон-торож қилинди
Шунингдек, гумонланувчилар 1,8 млрд сўм солиқларни тўлашдан бўйин товлаган.
Бош прокуратураси ҳузуридаги Иқтисодий жиноятларга қарши курашиш департаменти маълумотларига кўра, Қарши шаҳрида «М.С.» ва «И.Ҳ.» МЧЖ таъсисчиси Ж.Т. шаҳар Ободонлаштириш бошқармаси масъул шахслари билан ўзаро тил бириктириб, Насаф кўчасида кўча чироқларни ўрнатишда расмий ҳужжатларга бажарилмаган ишларни қўшиб ёзиш орқали 1,3 млрд сўмни ўзлаштириш йўли билан талон-торож қилгани аниқланди.
Шунингдек, гумонланувчилар 1,8 млрд сўм солиқларни ҳам тўлашдан бўйин товлаган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш), 209-моддаси (мансаб сохтакорлиги) ва 184-моддаси (солиқлар ёки йиғимларни тўлашдан бўйин товлаш) билан жиноят иши қўзғатилиб, тергов ҳаракатлари ўтказилмоқда.
