Самарқандда 4 нафар йигит сув омборида чўкиб кетди
Самарқандда қайиқда суратга тушмоқчи бўлган йигитлар чўкиб кетди.
Самарқандда қайиқда суратга тушмоқчи бўлган тўрт нафар йигит сув омборида чўкиб кетди, дея хабар бермоқда Бош прокуратура матбуот хизматига таяниб, «Газета.uz».
Маълум бўлишича, 30 июль куни Қашқадарё вилоятининг Чироқчи ва Кўкдала туманларида яшовчи 7 нафар фуқаро Самарқанд вилоятига — Нуробод тумани «Пўлат» маҳалласида яшовчи танишининг туғилган кунини нишонлаш мақсадида борган. Шу куни соат тахминан 17:30 атрофида маҳалладан ўтувчи Каттақўрғон сув омборига чўмилиш мақсадида бориб, у ердаги қайиқда сув омбори қирғоғидан тахминан 40 метр узоқликка сузиб боришган.
Шу пайтда қайиқ устида фотосуратга тушиш мақсадида тартибсиз ҳаракатлар қилишгани сабабли мувозанатни йўқотиб, қайиқ ағдарилиб кетган. Оқибатда уларнинг 4 нафари — 21, 25, 22 ва 21 ёшли йигитлар чўкиб кетган, 3 нафари қирғоққа сузиб чиқишга муваффақ бўлганю
Олиб борилган қутқарув ишлари давомида 1 нафар шахснинг мурдаси топилган, ҳозирда қолганларини қидирув-қутқарув ишлари олиб борилмоқда.
