0
Аланга ичида қолган Гавайи
Қурбонлар сони ортиб бормоқда.
Гавайининг Мауи оролидаги ўрмон ёнғинлари қурбонлари сони 59 кишига етди. Бу ҳақда Гавайи губернатори Жош Грин CNN телеканалига маълум қилди.
Губернаторнинг аниқлик киритишича, ҳалок бўлганларнинг барчаси ёнғиндан қочишга ҳаракат қилган. Шунингдек, у қурбонлар сони ортиши мумкинлигини ҳам таъкидлади.
Маълумот учун, ёнғин сайёҳлар гавжум бўлган Лахайна шаҳрига ўтиб, катта ҳудудни эгаллаб олди. Аввалроқ Мауи губернатори вазиятни Гавайидаги цунами туфайли 61 киши ҳалок бўлган 1960 йилдаги фожиа билан солиштирганди.
