Сурхондарё ҳокими пахта далаларида
У бир қатор нуронийлар билан биргаликда теримчиларга кўмаклашди.
Кеча бир гуруҳ сурхондарёлик фаол нуронийлар, меҳнат фахрийлари ташаббус кўрсатиб, Қизириқ туманидаги «Surxon cotton textile cluster» МЧЖнинг «Олтибоев Файзулло» оилавий пудратчисига тегишли 10 гектарлик даласида теримчиларга пахта йиғим-теримида кўмаклашишди.
Вилоят ҳокими Улуғбек Қосимов ҳам нуронийлар билан учрашиб, уларнинг дуоси билан бошланган ҳар бир ишда унум ва барака, барча тадбирларимизда ривож бўлишини таъкидлади. Нуронийлар билан бирга далада пахта терди. Фаол ташаббуси билан ёшларга ўрнак бўлаётган нуронийларларга эсдалик совғалари ҳамда маиший техникалар топширилди.
Хайрли ишлар ривожи, ҳосиллар мўл-кўлчилиги учун жонлиқ сўйилиб, эҳсон қилинди.
