Инвестисиялар, саноат ва савдо вазирининг икки ўринбосари лавозимидан озод этилди
Бу ҳақда вазирлик матбуот хизмати хабар берди.

Инвестисиялар, саноат ва савдо вазирининг икки ўринбосари — Сарвар Хамидов ва Олимхон Рустамов лавозимидан озод этилди.
Жумладан, жорий йилнинг 20 февралидан буён вазир ўринбосари сифатида фаолият кўрсатиб келаётган Сарвар Хамидов лавозимидан озод қилинди. Унинг бўшатилиш сабаби маълум қилингани йўқ.
Шунингдек, Олимхон Рустамов бошқа ишга ўтиши муносабати билан инвестисиялар, саноат ва савдо вазири ўринбосари лавозимидан озод этилди. Олимхон Рустамов ҳам 2023 йил февралида инвестисиялар, саноат ва савдо вазири ўринбосари этиб тайинланган эди.







