Шавкат Мирзиёев Қозоғистон Президенти билан телефонлашди
Мулоқотда минтақавий аҳамиятга молик долзарб масалалар ҳам муҳокама қилинди.
Президент Шавкат Мирзиёев Қозоғистон Республикаси Президенти Қасим-Жомарт Тоқаев билан телефон орқали мулоқот қилди.
Суҳбат аввалида давлат раҳбари Қарағанди вилоятидаги конда рўй берган авариянинг фожиали оқибатлари муносабати билан самимий ҳамдардлик билдирди.
Кон ичида қолаётган кончилар тез фурсатда қутқарилишига умид билдирилди, ҳодиса оқибатларини бартараф этишда Ўзбекистон зарур кўмакни кўрсатишга тайёрлиги таъкидланди.
Икки томонлама ва минтақавий аҳамиятга молик долзарб масалалар ҳам муҳокама қилинди.
