Наманганда катерлар тўқнашуви оқибатида икки киши ҳалок бўлди
Ҳолат юзасидан терговга қадар суриштирув ишлари олиб борилмоқда.
Наманган вилояти Тўрақўрғон туманида катерлар тўқнашуви оқибатида икки киши ҳалок бўлди. Бу ҳақда Наманган вилояти ФВБ хабар берди.
Ҳодиса 2026 йил 23 август куни соат 19:55 атрофида туманнинг Гулқишлоқ МФЙ ҳудудидан оқиб ўтувчи Сирдарё дарёсида содир бўлган. Сайр учун ҳаракатланаётган катерлар тўқнашиб кетган.
Тўқнашув оқибатида бир киши воқеа жойида, яна бир фуқаро эса тан жароҳатлари билан шифохонага олиб кетилганидан сўнг вафот этган.
Ҳолат юзасидан масъул идоралар томонидан терговга қадар суриштирув ишлари олиб борилмоқда.
