Тошкентнинг 3 та туманида иссиқ сув ўчирилади
Иссиқ сув таъминоти 31 октябрь куни тўлиқ тикланади.
Тошкент шаҳрининг Юнусобод, Мирзо-Улуғбек ва Яшнобод туманларидаги айрим ҳудудларда иссиқ сув таъминоти ўчирилади.
Маълум қилинишича, асосий иссиқлик энергиясини етказиб берувчи "Тошкент иссиқлик маркази" МЧЖ 1-ИМ қозонхонаси газ таъминотидан вақтинчалик узилади. Тўхташ сабаби "Ҳудудгаз Пойтахт" юқори босимли газ қувуридаги режалаштирилган ишлар билан боғлиқ бўлиб ишлар 30 октябрь куни соат 08:00 дан 31 октябрь соат 20:00 гача амалга оширилади.
Иссиқ сувни ўчириш қуйидаги ҳудудларга таъсир қилади:
Юнусобод тумани: С-4, С-5, С-6 даҳалари, А. Дониш, Эргашев, Бодомзор, Боғишамол, Ғуломов, Гидрометеорология маркази, A.Temur кўчалари.
Мирзо Улуғбек тумани: Навниҳол, Неъмат, Шаҳриобод, Дўрмон йўли, Мўминов, Зиёлилар, Хожибоев, Қаландар, М.Улуғбек, Левитан, Ўзбекистон Республикаси Мудофаа вазирлиги госпитали ҳудуди, Сайрам, Буюк Ипак Йўли, М. Юсуф, Мустақиллик, Оққўрғон, Иргашев, K.Niyozov, Муртазаев, P.Salar, P.Pishpek кўчалари, H.Olimjon майдони, С-1, С-2, Яланғоч, Бўз-1, Паркент даҳалари.
Яшнобод тумани: Боткина, Ташселмаш, Мирзо Улуғбек даҳалари, Риёзий, Паркент, Сиолковский, Махтимқули кўчалари.
Иссиқ сув таъминотининг тўлиқ тикланиши газ таъминоти қайта тикланганидан ва 1-ИМ қозонхонаси ишга туширилгандан сўнг (тахминан 31 октябрь ярим тунда) амалга оширилади.
