Умра тадбирини амалга оширувчи туроператорлар номи эълон қилинди
Муқаддас зиёратни ташкил қилиш ва амалга ошириш бўйича турфирмалар рейтингига 10 та ташкилот киритилди.
Умра тадбирини амалга ошириш учун рухсат берилган ташкилотларнинг дастлабки рўйхати эълон қилинди, дея хабар берди Туризм қўмитаси.
Умра зиёратини ташкил қилиш ва амалга ошириш бўйича турфирмалар рейтингига 10 та ташкилот киритилган. Уларнинг 5 таси Андижон вилоятида, 2 таси Наманган вилоятида, 3 таси эса Тошкент шаҳрида жойлашган.
Шу йилнинг 1 ноябридан Умра тадбирини ташкил этиш бўйича янги талаблар кучга кирди. Эндиликда туристик фаолиятни амалга ошириш лицензияси чиқиш туризми кичик турининг Умра хизматларини кўрсатиш фаолияти бўйича қўшимча лицензия талаблари ва шартлари жорий этилади.
2023 йил 1 октябрдан Умра хизматларини кўрсатувчи туроператорлар фаолиятини рейтинг асосида баҳолаш тизими жорий қилинди.
Шунингдек, Ўзбекистон фуқаролари Саудия Арабистонига сафар қилиш учун электрон виза олишлари мумкин. Саудия Арабистони “E-visa”си бир йиллик, кўп марталик кириш визаси бўлиб, сайёҳларга мамлакатда 90 кунгача бўлиш имконини беради.
