Колумбияда Шакиранинг шарафига ҳайкал очилди
Бу ҳақда хонанданинг ўзи Instagram саҳифасида маълум қилди.
Қўшиқчи Шакира туғилган Барранкилья шаҳрида унинг шарафига бронза ҳайкал ўрнатилди.
Ҳайкалтарош Йино Маркес 2005 йилда Hips don't lie қўшиғи учун мусиқий видеодан қўшиқчининг рақс ҳаракатини акс эттирувчи 6,4 метр баландликдаги ҳайкал яратди.
Хонанда ўзининг Инстаграм саҳифасида буни ота-онаси билан баҳам кўришидан хурсандлигини айтиб, пост қолдирди. Шунингдек, у ҳайкал ёнида оила аъзоларининг фотосуратларини ҳам жойлаштирди.
Эслатиб ўтамиз, 2022 йилда Шакира Каталониянинг "Барселона" футбол клуби ҳимоячиси Жерар Пике билан спортчининг хиёнати туфайли ажрашди.
Пике ва Шакира 2011 йилдан бери муносабатда бўлишган, аммо никоҳни расмийлаштирмаганлар. Улар Жанубий Африкада бўлиб ўтган футбол бўйича жаҳон чемпионатида учрашишган. Ўшанда қўшиқчи чемпионатнинг мадҳияси бўлган Wака Wака қўшиғига клип суратга олган, футболчи эса суратга олишда иштирок этган. Уларнинг икки фарзанди бор.
