Тошкентдан Истанбулга учган самолётда фуқаро вафот этди
У даволаниш учун Туркияга кетаётган бўлган.
Аввалроқ "Тошкент — Истанбул" рейсидаги самолёт фавқулодда Анқарага қўнгани хабар қилинганди.
Маълумотларга кўра, 1946 йилда таваллуд топган Ўзбекистон фуқароси X.T. давом этиб келаётган сурункали касалликка шифо топиш илинжида Туркиянинг Истанбул шаҳрига келаётганда соғлиғи ёмонлашиб, юрак хуружини бошдан кечирган.
Экипаж ҳамда йўловчилар ҳамроҳлигида биринчи тез тиббий ёрдам кўрсатилган ҳамда юрак пульсининг тўхташи кузатилгач, тиббий кўникмага эга бўлган кишилар томонидан юрак массажи қилинган. Бироқ муолажа саъй-ҳаракатларга қарамасдан фуқаронинг ҳаётини сақлаб қолишолмаган.
