Қашқадарёда йўл транспорт ҳодисаси натижасида тўрт киши ҳалок бўлди
Айни вақтда мазкур ҳодиса юзасидан терговга қадар текширув ишлари олиб борилмоқда.
Қашқадарё вилояти ИИБ ЙҲХБ Матбуот хизмати хабарига кўра, ЙТҲ Кўкдала туманида содир бўлган. Ласетти русумли автомашина ҳайдовчиси қарама-қарши йўналишга чиқиб кетиб, йўловчиларни олиб кетаётган Нехиа автомобили билан тўқнашган.
Ҳодиса оқибатида, Ласетти автомобилида бўлган 3 нафар фуқаро воқеа жойида ҳалок бўлган. Икки киши касалхонага ётқизилган. Уларнинг барчаси 1998 йилда туғилишган, барчаси синфдош бўлган.
Нехиа машинасидаги 1 нафар йўловчи ҳам ҳалок бўлган. Қайд этилишича, жабрланганлар Республика шошилинч тиббий ёрдам маркази вилоят филиалининг жонлантириш бўлимига ётқизилган. Уларнинг оёқ-қўллари цинган, кўкарган ва ички аъзолари шикастланган.
Мазкур ҳодиса юзасидан терговга қадар текширув ишлари олиб борилмоқда.
