Тошкентда ҳаво ифлосланишини назорат қилувчи учта автоматик станция ўрнатилди
Ўзбекистонда бундай станцияларнинг умумий сони 19 тага етди.
Тошкент шаҳрида яна учта ҳаво ифлосланишини назорат қилувчи автоматик станция ўрнатилди. Бу ҳақида «Замин» халқаро фонди ахборот хизмати хабар бермоқда.
Таъкидланишича, мазкур станциялар халқаро фонд ва Гидрометеорология хизмати агентлигининг "Атмосфера ҳавоси ифлосланиши мониторингини автоматлаштириш" қўшма лойиҳаси доирасида ишга туширилди.
Лойиҳа бошланганидан буён Ўзбекистонда monitoring.meteo.uz миллий платформасининг ягона маълумотлар базасига жами 19 та автоматик станция уланди.
