Тошкентда шифокор беморга тегажоғлик қилди
Шифокор беморни тиббий кўрикдан ўтказиш учун хонасига олиб кирган.
Тошкент шаҳрининг Сергели туманида беморга шилқимлик қилган шифокор 5 суткага қамалди.
Маълумотларга кўра, ҳолат 17 июль куни соат 19:00 ларда Сергели тумани Хонобод кўчаси 5-уйда жойлашган РШТЁИМ Тошкент вилоят филиалида юз берган. Шифокор беморни кўрикдан ўтказиш хонасига олиб кириб, унга нисбатан шаҳвоний шилқимлик қилган.
Суд мажлисида ҳуқуқбузар қилган ишидан чин кўнгилдан пушаймонлигини, қилмишининг оқибатларини тушуниб етганлигини, С.А.дан ҳамда онасидан узр сўраганлигини баён қилиб, кўрсатув берган.
Суд қарори билан ҳуқуқбузар МЖтКнинг 411-моддаси 1-қисмида назарда тутилган ҳуқуқбузарликни содир этганликда айбли деб топилган ва унга шу модда билан 5 сутка маъмурий қамоқ жазоси тайинланган.
