5 миллиард сўмлик зарар: халқаро қидирувдаги шахс Туркияда қўлга олинди
Мазкур шахс ажратилган кредит маблағларини ўзлаштириш ва растрата қилиш йўли билан талон-торож қилганликда гумон қилинмоқда.
Ўзбекистон ва Туркия ҳуқуқни муҳофаза қилувчи органларининг ҳамкорлиги натижасида халқаро қидирувда бўлган С.А. Туркия ҳудудида аниқланиб, қўлга олинди ва Ўзбекистонга олиб келинди. Бу ҳақда Истанбул шаҳридаги Бош консулхона хабар берди.
С.А. ажратилган кредит маблағларини ўзлаштириш ва растрата қилиш йўли билан талон-торож қилганликда гумон қилинмоқда. Тергов маълумотларига кўра, унинг ҳаракатлари оқибатида давлат бюджетига 5 миллиард сўм миқдорида зарар етказилган.
Мазкур шахс Ўзбекистон Республикаси Жиноят кодексининг 167-моддаси 3-қисми билан халқаро қидирувга берилган.
С.А. тегишли тергов ва процессуал ҳаракатларни давом эттириш учун Ўзбекистоннинг ваколатли органларига топширилди.
Томонларнинг ҳуқуқни муҳофаза қилувчи органлари ўртасидаги ҳамкорлик халқаро қидирувда бўлган шахсларни аниқлаш ва уларни жавобгарликка тортиш йўналишида давом эттирилмоқда.
