Самарқандда аёл туғуруқхона олдида чақалоғини дунёга келтириб, ҳожатхонанинг чиқинди қутисига ташлаб кетди
Аёлнинг қилмиши кузатув камералари орқали аниқланиб, ҳолатга аниқлик киритилди.
Самарқанд вилоятининг Пайариқ туманида аёл туғруқхона олдида чақалоғини дунёга келтириб, ҳожатхонанинг чиқинди қутисига ташлаб кетди. Бу ҳақида Zamon.uz манбаси хабар бермоқда.
Маълумотларга кўра, воқеа вилоятнинг Пайариқ туманида содир бўлган. Аёл фарзандини туғруқхона ёнида дунёга келтириб, ҳожатхона чиқиндисига ташлаб кетган.
Аёлнинг қилмиши кузатув камералари орқали аниқланиб, ҳолатга аниқлик киритилган. Чақалоқ эса ўлик ҳолда топилган.
Zamon.uz ҳолатга ойдинлик киритиш мақсадида Самарқанд вилоят ИИБ ахборот хизмати билан ҳам боғланди. ИИБга кўра, айни пайтда бу бўйича экспертиза тайинланган. Боланинг тирик туғилгани ёки ҳомила нобуд бўлиб кейин туғилганлиги аниқланганидан сўнг жиноят иши масаласи ҳал этилади.
“Экспертиза хулосаси эълон қилинганидан сўнг қўшимча маълумот маълумот тақдим этилади”, дейилади хабарда.
Zamon.uz тез орада воқеа юзасидан батафсил репортажни эълон қилади.
