Саида Мирзиёева Хоразмда носоз сув иншоотини бориб кўрди
“Урганч-1” йирик насос станцияси ҳам зудлик билан модернизация қилиниши ва янгиланиши зарур бўлган объектлардан бири экани қайд этилди.
Ўзбекистон Президенти aдминистрацияси раҳбари Саида Мирзиёева Хоразм вилоятига ташрифи давомида эскирган сув кўтарувчи насос станциясидаги ҳолатни бевосита бориб ўрганди.
Миллиондан ортиқ одамни тоза ичимлик суви билан таъминлайдиган “Урганч-1” йирик насос станцияси ҳам зудлик билан модернизация қилиниши ва янгиланиши зарур бўлган объектлардан бири экани қайд этилди.
“Бугун кўтарилган барча масалалар энг қисқа муддатларда ҳал этилиши шарт. Вилоят ҳамда туманлар раҳбарияти иштирокида ўтказилган якуний йиғилишда ҳудуддаги вазият муҳокама қилинар экан, бунга алоҳида урғу берилди. Муаммоларни очиқ-ойдин гапириш, биргаликда таҳлил қилиш ва устувор тартибда ҳал этиш муҳимдир", — деди Саида Мирзиёева.
Маълумот учун, Урганч шаҳар "Оби ҳаёт" маҳалласида жойлашган мазкур объект 1970 йилда қурилган бўлиб, унинг тўртта насосидан бири носоздир.
