АҚШ Парагвайни 4:1 ҳисобида мағлуб этди
АҚШ терма жамоаси 2026 йилги Жаҳон чемпионатини йирик ғалаба билан бошлади.
2026 йилги FIFA Жаҳон чемпионатида АҚШ терма жамоаси гуруҳ босқичидаги илк учрашувини ишончли ғалаба билан бошлади. Мезбонлар Парагвай терма жамоасини Лос-Анжелес чеккасида жойлашган “СоФи” стадионида бўлиб ўтган ўйинда 4:1 ҳисобида мағлуб этди.
Учрашув 70 мингдан ортиқ томошабинга мўлжалланган, қурилишига 5,5 миллиард доллар сарфланган дунёдаги энг қиммат стадионлардан бири ҳисобланган аренада бўлиб ўтган. Ўйин давомида АҚШ терма жамоаси тўлиқ устунликни қўлга олиб, илк бўлимдаёқ ҳисобда олдинга чиқиб олган.
Америка терма жамоаси сафида Фоларин Балогун иккита гол уриб, жамоасининг ғалабасига катта ҳисса қўшган. Кристиан Пулисич эса ҳужумларни ташкил этишда фаол иштирок этиб, рақиб ҳимоясини қийин аҳволга солиб қўйган.
Парагвай таркибида эса ҳимоядаги хатолар ва жамоавий мувозанатнинг бузилиши мағлубиятга сабаб бўлган. Учрашув давомида америкаликлар бир неча бор ҳисобни йириклаштириш имкониятига эга бўлишгқан ва якунда 4:1 ҳисобини қайд этишган.
Ўйинда очилиш маросими ҳам катта шоу тарзида ўтказилган. Тадбирда мусиқа ижрочилари чиқиш қилган, шунингдек, машҳур шоу-бизнес вакиллари ва меҳмонлар иштирок этган.
Мезбонлар ушбу ғалаба билан гуруҳда пешқадамликни қўлга киритган.
