Ўзбекистон

Ўзбекистонда “ТОП-100” раҳбарлар танлови йўлга қўйилади

2030 йилгача 1,5 минг нафар юқори салоҳиятли мутахассисдан иборат миллий кадрлар захирасини шакллантириш режалаштирилмоқда.

Ўзбекистонда “ТОП-100” раҳбарлар танлови йўлга қўйилади

Президент Шавкат Мирзиёев иқтидорли бошқарувчилар, лидерлар ва янги авлод раҳбарларини аниқлаш ҳамда “Эл-юрт умиди” жамғармаси орқали истеъдодли ёшларни қўллаб-қувватлаш бўйича тақдимот билан танишди.

 

Тақдимотда мамлакатда давлат бошқаруви ва иқтисодиётнинг замонавий эҳтиёжларидан келиб чиқиб, бошқарув кадрларини тайёрлашнинг янги тизимини жорий этиш таклиф этилди. 

 

Қайд этилишича, сунъий интеллект ёрдамида ўтказилган таҳлиллар натижасида энергетика, “яшил” технологиялар, қурилиш, қишлоқ ва сув хўжалиги, рақамлаштириш ҳамда хизмат кўрсатиш каби йўналишларда 50 дан ортиқ замонавий касб бўйича малакали раҳбар кадрларга эҳтиёж мавжудлиги аниқланган.

 

Янги тизимга кўра, номзодларни баҳолашда анъанавий “обективка” усулидан воз кечилиб, уларнинг билим ва тажрибаси, стратегик фикрлаши, психологик хусусиятлари ҳамда лидерлик салоҳиятини қамраб олувчи портфолио тизими жорий этилади. Истиқболли бошқарувчилар 100 баллик мезон асосида баҳоланади, сунъий интеллект ёрдамида улар учун индивидуал касбий ривожланиш режалари ишлаб чиқилади.

 

Шунингдек, ҳар икки йилда 500 нафар истиқболли бошқарувчини саралаб олиш ва 2030 йилгача 1,5 минг нафар юқори салоҳиятли мутахассисдан иборат миллий раҳбар кадрлар захирасини шакллантириш режалаштирилган.

 

Тақдимотда раҳбарлик лавозимлари учун захирани шаффоф шакллантириш мақсадида “ТОП-100” очиқ танловини ўтказиш механизми ҳам тақдим этилди. Танлов аграр соҳа, соғлиқни сақлаш, таълим, тадбиркорлик, суд-ҳуқуқ, ахборот технологиялари ва сунъий интеллект каби йўналишларни қамраб олади. Номзодлар тест, комплекс касбий баҳолаш ва суҳбат босқичларидан ўтади, ғолиблар эса махсус тайёргарликдан сўнг миллий кадрлар захирасига киритилади.

 

Бундан ташқари, хорижда таҳсил олаётган ёшларни давлат ва хусусий сектор фаолиятига жалб этиш мақсадида 2026 йил 1-октабрдан career.edu.uz платформасида “Хориждаги талабалар” модули ишга туширилиши режалаштирилган. У орқали чет элда таълим олаётган ёшларнинг амалиёт ўташи, иш берувчилар билан ҳамкорлиги ва кейинчалик ишга жойлашишига кўмаклашилади.

Мактабларда спорт ривожлантирилади: олимпия спорт турлари бўйича тўгараклар очилади

Мактабларда спорт ривожлантирилади: олимпия спорт турлари бўйича тўгараклар очилади

2027 йилдан спорт мусобақалари ғолибларига диплом ва сертификатлар электрон шаклда берилади.

Ўзбекистон ва Ўмон етакчилари олий давлат мукофотлари билан тақдирланди

Ўзбекистон ва Ўмон етакчилари олий давлат мукофотлари билан тақдирланди

Шавкат Мирзиёев Султонликнинг олий давлат мукофоти – “Ол Саид” ордени билан тақдирланди.

Президент Шавкат Мирзиёев ва Султон Ҳайсам бин Ториқ Ол Саид учрашув ўтказди

Президент Шавкат Мирзиёев ва Султон Ҳайсам бин Ториқ Ол Саид учрашув ўтказди

Ўзбекистон ва Ўмон ўртасидаги муносабатлар кейинги йилларда фаол ривожланаётгани қайд этилди.

Чилонзорда Nexia-3 дарахтга урилди: уч киши ҳалок бўлди

Чилонзорда Nexia-3 дарахтга урилди: уч киши ҳалок бўлди

ЙТҲга автомобиль руль бошқарувида юзага келган техник носозлик сабаб бўлган.

Президент Шавкат Мирзиёев давлат ташрифи билан Ўмонга борди

Президент Шавкат Мирзиёев давлат ташрифи билан Ўмонга борди

Президентни Ўмон Султони Ҳайсам бин Ториқ Ол Саид ва султонликнинг юқори даражали расмийлари кутиб олди.

Реновация эвазига 1 та уй ўрнига 2 та хонадон: Тошкентда янги имконият

Реновация эвазига 1 та уй ўрнига 2 та хонадон: Тошкентда янги имконият

Уй-жой масаласини ҳал этишнинг яна бир варианти сифатида мулкдорларга Янги Тошкент ҳудудидан хонадон ажратиш таклиф этилиши мумкин.

Бухорода ўқувчилар мажбурий меҳнатга жалб қилин-дими? Мактаб бошқармаси изоҳ берди

Бухорода ўқувчилар мажбурий меҳнатга жалб қилин-дими? Мактаб бошқармаси изоҳ берди

Мактабнинг том қисми қулаган, бошқа хоналарида ҳам конструктив нуқсонлар аниқланган бўлиб, бино фойдаланишга яроқсиз деб топилган.

22 даража илиқ бўлади: ҳафта давомида об-ҳаво қандай ўзгаради?

22 даража илиқ бўлади: ҳафта давомида об-ҳаво қандай ўзгаради?

Тошкент шаҳрида ҳафта давомида ёғингарчилик кутилмайди.