Ижтимоий тармоқларда 147-сонли «Yutong» русумли автобусда тутун ҳосил бўлгани ҳақида хабар тарқалди. Мазкур ҳолат юзасидан «Тошшаҳартрансхизмат» АЖ маълумот берди.
Маълум қилинишича, «18-Автобус саройи» филиали тасарруфидаги 147-сонли «Чорсу савдо маркази-Чинни бозор» автобус ҳаракатланаётган вақтда, автобуснинг совутиш тизими (кондиционер) компрессоридаги носозлик туфайли, совутиш тизими (кондиционер) тасмаси (ремени) ишқаланиши ҳисобига тутун ҳосил бўлган.
Натижада, автобус ҳайдовчиси томонидан носозликни бартараф этиш мақсадида, автобус «18-Автобус саройи» филиалига олиб борилган. Ҳодиса оқибатида йўловчиларга ва атрофдагиларга зарар етмаган. Таъкидланишича, ҳозирда ушбу автобуснинг техник носозлиги бартараф этилган ҳамда йўналишда хизмат кўрсатишда давом этмоқда.