Абдулазиз Комилов Европа комиссияси вице-президенти билан учрашди
Унда Европа Иттифоқи ўртасида кенгайтирилган шериклик ва ҳамкорлик тўғрисидаги Битим лойиҳаси масалалари муҳокама қилинди.
Бугун, 25 ноябрь куни Ташқи ишлар вазири Абдулазиз Комилов юртимизга ташриф билан келган Европа комиссияси вице-президенти Маргаритис Схинас билан учрашув ўтказилди. Бу ҳақда вазирлик ахборот хизмати хабар қилди.
Учрашувда томонлар 2019 йил июнь ойида қабул қилинган Европа Иттифоқининг Марказий Осиё бўйича стратегиясида кўзда тутилган қўшма минтақавий дастур ва ташаббусларни амалга ошириш жараёнига алоҳида тўхталди. Шунингдек, халқаро ва минтақавий кун тартибининг долзарб масалалари ҳам муҳокама марказида бўлди.
Таъкидланишича, учрашув давомида бўлажак тадбирлар жадвали юзасидан ўзаро фикр алмашишди.
Эслатиб ўтамиз, аввалроқ Абдулазиз Комилов Тожикистонга ташриф буюриши, Саудия Арабистони Қироллигининг Фавқулодда вa мухтор элчисини қабул қилгани, Германия ташқи ишлар вазири билан учрашув ўтказгани ҳамда Теҳрондаги Афғонистон масаласига бағишланган учрашувда иштирок этгани ҳақида хабар берилганди.
