Сан-Франциско судига аёлларга кам маош берилаётгани юзасидан Apple компаниясига қарши даъво аризаси киритилди.
Ариза Appleʼда 10 йилдан ортиқ ишлаган икки аёл томонидан топширилган. Даъво аризасида улар компания Калифорниядаги 12 000 дан ортиқ аёл ходимларга эркакларга қараганда камроқ маош тўлашини ёзишган. Уларнинг сўзларига кўра, муҳандислик, маркетинг ва AppleCare бўлимларида аёлларга кам маош тўланади.
Аризада, шунингдек, Apple компаниясининг иш ҳақини ошириш ва бонуслар беришда қўллайдиган иш фаолиятини баҳолаш тизими аёлларга нисбатан нохолис эканлиги кўрсатилган.
Даъвогарлар Appleʼни аёлларнинг жинсига қараб камситишда ва адолатсиз бизнес амалиётларида иштирок этганликда айбламоқда.