Ашраф Ғани қанча пул билан "қочгани" маълум бўлди
АҚШ вакили бў тўғрисида маълумотларни очиқлади.
Ашраф Ғани Афғонистондан ҳатто 1 миллион доллар ҳам олиб кета олмаган. Бу ҳақда АҚШ ҳукуматининг Афғонистонни тиклаш бўйича бош инспектори Жон Сопко Конгрессдаги ҳисоботида маълум қилди.
Унинг сўзларига кўра, Кобулни тарк этаётганда собиқ президент ва унинг тарафдорлари ҳақиқатдан ҳам вертолётга нақд пул ортган. Аммо бу пулнинг миқдори 500 минг доллар атрофида бўлган. Бундан олдин Ашраф Ғани ўзи билан 169 миллион доллар олиб кетгани тўғрисида хабарлар тарқалган. Аммо унинг ўзи бу айбловларни кескин рад этган.
Сопконинг қўшимча қилишича, яна 5 миллион доллар атрофидаги маблағ президент қўриқчилари томонидан ўзлаштирилган бўлиши мумкин.
Аввалроқ Афғонистон бўйича махсус вакиллар толибларни қизларни мактабларга қайтаришга чақирганди.
