Кеча, 8 март куни Тошкентнинг Чилонзор туманида “МАN” русумли автобус ҳайдовчиси пиёдалар ўтиш жойида икки кишини уриб юборган. Ҳодиса оқибатида 1952 йилда туғилган фуқаро тан жароҳатлари сабаб вафот этган. Автоҳалокатга учраган 5 ёшли бола Республика шошилинч тиббий ёрдам илмий марказига олиб борилган.
Шундан сўнг бемор зудлик билан МСКТ ҳамда ультратовуш текширувларидан ўтказилган ва унга “Автотравма. Қўшма жароҳат. Бош мия ёпиқ жароҳати ва чайқалиши. Қорин бўшлиғининг ёпиқ жароҳати. Қора талоқ ёрилиши. Кўкрак қафаси ёпиқ жароҳати. Ўнг ўпканинг лат ейиши. Бош энса соҳасининг эзилиб йиртилиши” каби дастлабки ташхис қўйилган.
Тиббий кўрсатма ва стандартларга мувофиқ беморда зудлик билан бир неча турдаги мураккаб жарроҳлик амалиётлари бажарилган.
