Ижтимоий тармоқларда Наманган вилояти Чуст тумани йўлида "Jiguli" ва "Lacetti" тўқнашиши оқибатда "Jiguli" ағдарилиб, буткул ёниб кетгани ҳақида тарқалган хабарлар юзасидан вилоят Фавқулодда вазиятлар бошқармаси изоҳ берди.
Унга кўра, бугун, Чуст туман Фавқулодда вазиятлар бўлимига соат 03:45 да, 112 Фарғона халқа йўлининг 52 километрида Наманган–Тошкент йўналишида ҳаракатланаётган "Lacetti" ва ВАЗ 2107 автомобили иштирокида йўл-транспорт ҳодисаси содир бўлгани ҳақида хабар келиб тушган. Автоҳалокат оқибатида ВАЗ 2107 ёнаётганлиги айтилган.
Келиб тушган хабарга асосан Фавқулодда вазиятлар бошқарма ва қутқарувчилар воқеа жойига юборилиб, ёнғин бартараф этилган.
Ёнғин оқибатида жабрланганлар борлиги маълум қилинди, ҳозирда ҳолат юзасидан терговга қадар суриштирув ишлари олиб борилмоқда.