Бензема Мессининг рекордини такрорлади
Кеча “Реал” Суперкубок ўйинида майдонга тушди.
Мадриднинг “Реал” клуби ҳужумчиси Карим Бензема Испания Суперкубогининг кетма-кет бешинчи ўйинида гол урди. Бу ҳақда “ОптаХосе” нашри хабар берди.
Эслатиб ўтамиз, Мадриднинг “Реал” клуби турнир ярим финалида “Валенция”ни (1:1, пенальтилар бўйича 4:3) пенальтилар церийасида мағлуб этди. Бензема 39-дақиқада 11 метрлик зарбани голга айлантирди. Бу гол франциялик ҳужумчи учун Испания Суперкубогидаги қаторасига бешинчи гол бўлди. Бу кўрсаткич бўйича у Испания Суперкубогида аргентиналик ҳужумчи Лионел Мессининг рекордини такрорлади.
Испания Суперкубоги финалида “Реал Мадрид” “Барселона” – “Бетис” жуфтлиги ғолиби билан ўйнайди.
Бензема жорий мавсумда барча турнирларда 17 та ўйинда майдонга тушиб, 10 та гол урди ва 1 та голли узатмани амалга оширди.
