US Open: Камилла Раҳимова дунёнинг 29-ракеткасини мағлуб этди
Тенг курашлар остида ўтган биринчи сет 7:6 ҳисобида Раҳимованинг ғалабаси билан якунланди.
Нью-Йоркда теннис бўйича йилнинг сўнгги «Катта дубулға» турнири — US Open старт олди.
Мусобақанинг асосий даврасида қатнашаётган Ўзбекистон вакили Камилла Раҳимова биринчи босқичда жаҳон рейтингида 29-ўринда турган чехиялик Барбора Крейчиковани мағлуб этди.
Тенг курашлар остида ўтган биринчи сет 7:6 ҳисобида Раҳимованинг ғалабаси билан якунланди. Раҳимова иккинчи сетда ташаббусни тўлиқ ўз қўлига олиб, 6:2 ҳисобида устун келди ва учрашувни ўз фойдасига ҳал қилди.
Бугун кечки дастурда яна бир теннисчимиз Мария Тимофеева ҳам кортга чиқади. У словениялик Тамара Зиданшекка қарши баҳс олиб боради.
