Жавоҳир Синдаров дунёнинг 2-рақамли шахматчисига айланди
Ўзбекистонлик гроссмейстер тезкор шахмат рейтингида бирданига тўрт поғона юқорилаб, 2742,6 очко билан иккинчи ўринга кўтарилди.
Жавоҳир Синдоров сўнгги беллашувларда +10.6 рейтинг очкосини қўлга киритиб, дунёнинг энг кучли шахматчилари — Иан Непомниачтчи, Ҳикару Накамура ва Алиреза Фироузжаларни ортда қолдиришга эришди.
Ҳозирги рейтингда норвегиялик Магнус Сарлсен 2806,5 очко билан биринчи ўринда. Синдоров эса ундан кейинги поғонани эгаллаб турибди.
Бундан ташқари, Синдоров айни кунларда Ҳиндистоннинг Бенгалуру шаҳрида ўтказилаётган Global Chess League мусобақасида Fyers American Gambits жамоаси сафида иштирок этмоқда. 9 сентябрь куни у кетма-кет иккинчи кун ҳал қилувчи ғалабани қўлга киритди. Аввал Висванатан Анандни мағлуб этган бўлса, кейинги баҳсда Алиреза Фироузжани енгди. Унинг Фироузжагa қарши ғалабаси жамоасига 8:5 ҳисобидаги ғалабани таъминлаб, Gambitsни турнир жадвалида биринчи ўринга олиб чиқди.
Шунингдек, гроссмейстер 24 ноябрдан 12 декабргача Женевада амалдаги жаҳон чемпиони Гукеш Доммаражугa қарши жаҳон чемпионлиги учун баҳс олиб боради.
