Бразилиядаги дафн қилиш бюросида жасад тирилди
Унинг ўлимини қайд этган шифокор ишдан кетди.
Бразилиянинг Гояно шаҳри аҳолиси учун анча вақтгача сўзлаб беришга арзийдиган воқеа юз берди.
Гап шундаки, 62 ёшли Хосе Рибейра да Сильва оғиз бўшлиғи саратонидан вафот этган. Унинг ўлими 20:00 да қайд этилган. Қариндошлари огоҳлантирилгач, жасад дафн маросими бюросига жўнатилган.
Воқеанинг даҳшатли қисми тунги соат 1:00 ларда бюро ходимлари жасад солинган қопни очганда юз берган. Улар кўз ўнгида жасад нафас олаётанди.
Ходимлар дарҳол шифохонага ва эркакнинг қариндошларига хабар қилган. Хосенинг сингли Апаресида ярим тунда дафн қилиш бюросидан хабар эшитиш даҳшатли эканини айтади.
Шифохонада текширув ўтказилганидан сўнг ўлимни қайд этган шифокор ишдан бўшатилган. Маълум бўлишича, беморга трахеостомия қилинган ва у пайдо бўлган тешик орқали нафас олган.
