8 декабрь куни Тошкент шаҳрида ҳаво ўзгарувчан бўлиб, кун давомида ёмғир ёғиши мумкин. Шарқий шамол йўналишни ўзгартириб, ғарбдан 3–8 м/с тезликда эсади. Ҳарорат кечаси 3–5° илиқ, кундузи эса 5–7° илиқ бўлиши кутилмоқда. Айрим ҳудудларда туман тушиши мумкин.
Қорақалпоғистон, Хоразм, Бухоро ва Навоий вилоятларида ёғингарчилик асосан кутилмайди, лекин баъзи ҳудудларда туман кузатилиши эҳтимоли бор. Ҳарорат кечаси 2–7° совуқдан 5° илиққача, кундузи 3–13° илиқ атрофида бўлади. Фарғона водийси вилоятларида эса баъзи жойларда ёмғир ёғиши мумкин, шамол 7–10 м/с тезликда эсади.
Тоғ ва тоғолди ҳудудларда ҳаво ўзгарувчан бўлиб, айрим жойларда ёмғир ҳамда қор ёғади. Кучли ёғингарчилик юз бериши эҳтимоли мавжуд. Тошкент ва Наманган вилоятларининг тоғли ҳудудларида қор кўчиши хавфи эълон қилинган. Ҳарорат кечаси 1–6° совуқ, кундузи 0–5° илиқ оралиғида бўлади.