Деновда Cobalt ва Lacetti ЙТҲга учради
Оқибатда ҳайдовчиларнинг иккаласи ҳам вафот этгани айтилди.
Бугун, 30 апрель куни Сурхондарё вилоятининг Денов шаҳрида иккита автомашина иштирокида йўл-транспорт ҳодисаси содир бўлди. Воқеа юзасидан вилоят ИИБ ЙҲХБ маълумот берди.
Ҳодиса Денов шаҳри “Жомий” маҳалласи ҳудудидан ўтувчи 4Р-108 автомобиль йўлининг 4-километрида, Сариосиё–Денов йўналишида юз берган. 2001 йилда туғилган фуқаро Cobalt автомашинасида ўзидан олдинда кетаётган Москвич ва Lacetti’ни нотўғри қувиб ўтиши жараёнида 24 ёшли фуқаро бошқарувидаги Lacetti русумли транспорт воситаси билан тўқнашган.
ЙТҲ оқибатида иккала автомашина ҳайдовчилари олган тан жароҳати сабабли Денов шаҳар шошилинч тиббий ёрдам бўлимига ётқизилган. Йўл транспорт ҳодисаси оқибатида вафот этганлар йўқ.
