Эквадорда президентликка номзод отиб ўлдирилди
Миллий полиция жиноятчиларни топиш учун операция бошлади, воқеа жойидаги кўчалар тўсиб қўйилган. Давлат раҳбари содир бўлган воқеадан «ғазабда ва ҳайратда қолганини» айтди.
El Universo газетасига кўра, Вилявисенсио Китодаги сайловолди учрашувидан кейин учта ўқ билан ўлдирилган. Нашр манбаларининг дастлабки маълумотларига кўра, саккиз киши жароҳатланган, улардан етти нафари касалхонага ётқизилган.
Миллий полиция жиноятчиларни топиш учун операция бошлади, воқеа жойидаги кўчалар тўсиб қўйилган.
Гилермо Лассо хавфсизлик кабинетининг йиғилиши ҳақида эълон қилди. Унинг айтишича, бутун мамлакатни ларзага солган воқеага муносабат билдириш мақсадида Миллий сайлов кенгаши раҳбари, бош прокурор, Миллий суд раиси ва бошқа давлат идоралари вакилларидан йиғилишда иштирок этишни сўраган.
Эквадор президентлигига номзод Фернандо Вилявисенсио сайловолди митингидан сўнг ўлдирилди. Унинг ўлимини 10 август, пайшанба куни Эквадор раҳбари Гилермо Лассо тасдиқлади. Президентнинг сўзларига кўра, у «қотилликдан ғазабда ва ҳайратда». Лассо сиёсатчининг рафиқаси ва қизларига ҳамдардлик билдирди ҳамда жиноят жазосиз қолмаслигига ишонтирди. Уюшган жиноятчилик ҳаддан ошиб кетди, қотиллар қонуннинг тўлиқ юкига дучор бўлади, дея қўшимча қилди давлат раҳбари.
Эслатиб ўтамиз, 20 август куни Эквадорда муддатидан олдин президентлик ва парламент сайловлари бўлиб ўтади. Сўнгги сўровларга кўра, ўнг марказчи Вилявисенсио ғалаба учун етарлича овоз тўплай олмас эди.
