Энтони Жошуа: «Александр Усикнинг услубига мослашиб олдим»
Оғир вазн тоифасида WBA, IBF, WBО ва IBО йўналишлари чемпиони Энтони Жошуа Александр Усик ҳақида фикр билдирди:
”Усикдан кутиладиган энг катта хавф унинг чапақайлигидир. Мен тайёргарлик жараёнида унинг мана шу жиҳатига алоҳида эътибор беришга ҳаракат қиляпман. Александрга қарши оёқ билан қандай ҳаракат қилишни, чапақай спортчини қандай бошқаришни ва унга қайси вазиятда жавоб зарбаси беришни аниқ билиб олдим. Усик бугунгача жуда кўп боксчиларга қарши рингга чиққан. У бутун фаолияти давомида бир хил услубда жанг қилган. Мен охирги уч ойда унинг услубини тўлиқ ўрганиб чиқдим. Ҳозирда бу услубга мослашиб олдим, деб айта оламан”.
Эслатиб ўтамиз, Энтони Жошуа ва Александр Усик ўртасидаги жанг шу йил 25 сентябрда Лондондаги 62 минг кишига мўлжалланган «Тоттенхем» стадионида ўтказилади.
Аввалроқ, Мэнни Пакьяо боксдаги фаолиятини якунлагани ҳақида хабар берган эдик.
Жамшидбек Амиров
