Ғазода очликдан ҳалок бўлганларнинг умумий сони 193 нафарга етди. Бу ҳақида Соғлиқни сақлаш вазирлиги маълум қилди.
Қайд этилишича, вафот этганларнинг 96 нафарини болалар ташкил этади.
2025 йил 2 мартдан бери Ғазога халқаро гуманитар ёрдам кирмади. Исроил қарори билан барча ўтиш пунктлари ёпиқлигича қолмоқда. Озиқ-овқат ёрдами фақат Исроил ва АҚШ томонидан назорат қилинадиган Ғазо гуманитар ёрдам жамғармаси тизими орқали тарқатилади.
Март ойида Исроил армияси январь ойидан бери амалда бўлган ўт очишни тўхтатиш режимига чек қўйиб, минтақада жангларни давом эттирди. Қатар, Миср ва АҚШ иштирокидаги музокаралар янги сулҳ шартлари бўйича келишувга эриша олмади.